„ცვალებადი მოწმე: ფოტოისტორიები სამხრეთ კავკასიიდან“ არის შთამბეჭდავი გამოფენა, რომელიც ცდილობს, ჩაწვდეს სომხეთის, აზერბაიჯანისა და საქართველოს არსს — დამატყვევებელი ფოტოების, ურყევობის დემონსტრირების, რეგიონის მრავალფეროვნებისა და სირთულეების წარმოჩენის მეშვეობით. გამოფენაზე წარმოდგენილია ფოტოპროექტები, რომლებიც შექმნილია რვა ფოტოგრაფის მიერ, ქოლგა თბილისი ფოტოს ვიზუალური ამბების თხრობის პროგრამის ფარგლებში. 

სოციალური ტრანსფორმაციის, კულტურული აღორძინებისა და ადამიანური სიმტკიცის თემები აუდიტორიას იწვევს, ჩრდილო კავკასიის ისტორიის მოწმედ და თანაგრძნობითა და გაგებით გაჯერებული კოლექტიური თხრობის ნაწილად იქცეს. გამოფენის ნახვის შემდეგ დამთვალიერებლები უფრო სიღრმისეულად შეაფასებენ რეგიონის ტრადიციების, გამოწვევებისა და გამარჯვებების მდიდარ პალიტრას, რაც ხელს შეუწყობს კავშირისა და დიალოგის შეგრძნების განმტკიცებას. კონტექსტის თვალსაზრისით, „ცვალებად მოწმეს“ წვლილი შეაქვს თანამედროვე ხელოვნების დიალოგში იმით, რომ ნათელს ფენს ხშირად მხედველობის არედან გამორჩენილ ამბებს ჩრდილოეთ კავკასიის შესახებ. ასევე, წამოჭრის იდენტობის,  გადაადგილებისა და სოციალური ცვლილებების უნივერსალურ თემების, რომელიც მსოფლიოში გამოძახილს პოულობს; მსოფლიოში, რომელიც დაღდასმულია გეოპოლიტიკური დაძაბულობითა და კულტურული ცვლილებებით, გამოფენა დროული შეხსენების ფუნქციას ასრულებს ხელოვნების უნარის შესახებ, რომელსაც შეუძლია, დაძლიოს წინააღმდეგობები და განამტკიცოს თანაგრძნობა, რომ სამყარო უფრო ერთიანი გახდეს. 

ქოლგა თბილისი ფოტოს ვიზუალური ამბების თხრობის პროგრამა დაფინანსებულია შვეიცარიის განვითარებისა და თანამშრომლობის სააგენტოს მიერ. პროექტი ორგანიზებულია „ჩაიხანის“, Salaam Cinema Baku-ს, „ცალკე სივრცის“, დიზაინის ინსტიტუტის, Artarea/Tv2.0-სა და მირზოიანის ბიბლიოთეკის მიერ.

ანი გაბისიანი (საქართველო), ფიდან ნაზიმყიზი (აზერბაიჯანი), გრეტა ჰარუთიუნიანი (სომხეთი), ლალი ბინიატოვა (აზერბაიჯანი), მარია ზაქარიანი (სომხეთი), მარი ემირიძე (საქართველო), შარაფ ნაგიევა (აზერბაიჯანი), თორნიკე მერმანიშვილი (საქართველო)